Ashyq hat!

QR Prezıdenti Nursultan Nazarbaevtyń: «Uly Dalanyń Jeti qyry» bastamasy – bizdiń qazaqtyń ǵana emes, barsha túrik halyqtarynyń san myń jyldyq tarıhyn dúr silkindirýge bastama bolsa jarar edi. Ana quldyq sanadan áli aryla almaı júrgen «shúldirbaılar» men «shúldirbıkeler» quldyq dóreki minezge basyp, bárin búldire me dep qorqatynym, taǵy da jalǵan emes. Óıtkeni, onyń ózindik sebebi jeterligin búkil qazaq jaqsy biledi.

1992-2002 jyldary sol kezdegi Qazaq televızıasynyń Imanbaı Jubaı basqarǵan «Tań sholpan» tańǵy baǵdarlamasynan tikeleı efırde ár aptanyń beısenbi kúnderi turaqty túrde  áýelgide ne bary 7 mınýt telehabar bolsa, keıin hronometrajy 30 mınýttyq ózim júrgizgen avtorlyq telejobam «Túrik danalaryna» aınalǵanyn kózi qaraqty kórermender áli umyta qoımaǵan shyǵar deımin. 

Osynaý san myń jyldyq tarıhy bar Uly daladan shyqqan: Anaharsıs, Ishpahaı, Tomırıs, Zarına, Móde qaǵan, Atılla, Kúlteginnen, Maǵjan Jumabaıǵa, Atatúrik, Mustafa Shoqaıǵa deıingi aralyqty qamtyǵan 40-tan astam telehabarlarym búginde Qazaq televızıasynyń altyn qorynda jatqanynan habardarmyn. Ol telehabardyń kópshiligi toza bastaǵany taǵy da ras.  Túrkıa men Ázirbaıjan televızıasy sol meniń avtorlyq telejobam  «Túrik danalaryn» teleekrandarynan jáne saıttarynan úzbeı kórsetip kele jatqany ótirik emes (ǵalamtordan izdep tabý qıyn emes).

Osy jobamdy qaıta tiriltý kerektigi týraly san ret jazdym da. Biraq, ázirge qulaq asqan jandy kórmedim.

Qurmetti Erlan Qarın myrza!

Osynaý «Túrik danalary» atty telejobamdy qaıta jańǵyrtýǵa múmkindik týdyrsańyz, jalǵyz men ǵana emes, ulttyq tarıhqa shóldep otyrǵan qalyń kórermenniń de alǵysyna bólenerimiz daýsyz...

Ózińizden qýanyshty habar kútýshi,

Qazaq televızıasynyń ardageri, Qazaq jýrnalısıkasynyń qaıratkeri, Halyqaralyq IýNESKO syılyǵynyń ıegeri, aqyn, pýblısıs

Jumash Kenebaı (Kókbóri)